indoor/outdoor
Ganz woanders
I lass scho seit Stunden läuten
Seit Stunden läuten nur kana geht dran
Sonst hast ja immer glei abghobn
An was soll i jetzt no glauben
Die Farben die haben si gschlichn
Ham si gschlichen und san scho weit furt
Wie wüst jetzt no was erreichen
I wü ned da sein so gern wär i dort
So gern wär i durt doch waaß i ned wo
So gern wär i furt I bin eh ned do
I bin ganz woanders I hab ni ned gsehn
I bin eh weit weg was is mit mir gschehn
Zerst wollt i vü schreiben
Vü schreiben quer übers Papier
I habs nimmamehr können
Verlernt hab is ned nur i schreib ned wegen dir
So gern tät i schreiben doch waaß i ned wie
So gern tät i speibn nur i waaß ned wohin
I bin ganz woanders i hab mi ned gsehn
I bin so weit weg wos isn gschehn
A früheres Leben
Wenn du hamkommst und kana is do
Und du findst di langsam damit o
Dass kana woat di vermisst
Weilst auf amoi allaanich bist
Wenn kana fragt wos war denn ehut los
Kana frogt wo bleibst denn bloß
Früher ja da hät di des gstört
Und jetzt bist so weit jetzt hätst es so gern ghört
Jetzt denkst zruck dir foit so vü ei
Du siehst ganz klar und denkst nix dabei
Du siehst so vü willst ned drüber redn
Des is vorbei des war a früheres Leben
Zalkenbruck
Und scho wieder wach i auf in der Panier von gestern
Schau auf die Uhr kann mi nur schwer erinnern
Wie spät warsn auf jeden Fall scho murgn
Wo krieg i jetzt a Bier her sonst hab i kane Sorgn
I stell mi unters Wasser und i hoff i werd wach
Weil sonst kanns sei dass i die nächstn Stunden ned schaff
I fahr ma durchd Hoa und i kumm ned ganz durch
Die Schoin von gestern und i putz kane Schuach
Kauf ma a Semmel mit an Leberkas
Ka Pfefferoni und des macht mi scho haaß
I waaß genau i hab ane bestellt
I speis gern a la carte wos kost die Wöd
Bin orientiert waaß ganz guat wohin
I bin auf Zack
I siech a ganz guat hör wos i wü
A wenn’s ganz laut is wenn i wü dann is stü
Mir is egal was ma si so denkt
Wenn ma mi siecht es gibt nix wos mi kränkt
Des hab i glernt fast perfektioniert
Des is was bei mir einwandfrei funktioniert
I rauch zuvü und i trink genug
Und wennst dazu gheast gibt’s kann weg zruck
Du kannst bleibn wennst di traust
Wenn ned is besser wennst di überd Häuser haust
Dei Einsamkeit
Und du sitzt wieder amoi do
Glaubst alle ham di verlassen
So oft warst du scho zHaus
Aber nie wirklich daham
Immer hams as dir gschworn
Du kannst fallen lassen
Und dann bist gfalln kana hot di aufgfangen
Du hast gmerkt du bist allaa
Und jetzt schaust ausse auf die Meer so weit
Des ghört dir ganz allaa des is dei Einsamkeit
Wer nimmt die wieder weg wer baut di auf
Wer bringt des zsamm
Vor dir liegt immer no so vü
Und hinter dir is alles leer
Du kennst kann Ort der dir wos sogt
Und wüst kann kennenlernen
Du mochst a nimmamehr an Schritt
Die klan auf goa kann Fall
Du hast ka Kraft kann Antrieb mehr
Und wüst es nimma lernen
Und jetzt schaust ausse auf die Meer so weit
Des ghört dir ganz allaa des is dei Einsamkeit
Wer nimmt die wieder weg wer baut di auf
Wer bringt des zsamm
Langweilig
Draussen foit der Regen
Und kana ruaft an
I sitz da herinnen und tua fernsehschaun
Und draussen foit der Regen und kana ruaft an
I hab ma heut wos kocht
Vor der Videothek
War no schnö beim Billa wengan weißen Gebäck
I hab ma heut wos kocht vor der Videothek
Und jetzt sitz i do und schau in Fernseher an
Und trotzdem is mir langweilig
Und jetzt sitz i do und schau in Fernseher
Und mir is furchtbar langweilig
I trink jetzt no a Bier
Und hör in Regen vü besser zua
Vom Fernsehen reicht des Büd vom Ton hab i scho gnua
I trink jetzt no a Bier und hör in Regen vü besser zua
Und i sitz do und starr ausn Fenster
Weil mir is furchtbar langweilig
I schau ausse ausn Fenster
Mir is furchtbar langweilig
Die Schönen
Wos foit an scho ei wenn an nix mehr einfoit
Wos kann ma scho sogn wenn ma nix mehr zum Sagn hat
Wenn ma bliat aber ned waaß wos ausserinnt
Wenn ma nix suacht und deswegn nix findt
Wie kommt ma daher wenn ma gar ned wolln hat
Wie kann ma si da auskennen wenn ma si gar ned umschaut
Weil ma reart und heut ganz ohne Tränen
Man si an vü erinnert nur ned an die schönen
Die schönen Wos die schönen Wie
Die schönen Wer die schen Wohin
Die schön- die kennt ma nimmamehr
Vielleicht muaß so sein doch is des fair
Zerst hast ka Wort und dann lang kann Satz
Am Anfang ka Zeit und plötzlich vü Platz
Auf amoi kann Platz und immer no Zeit
Direkt neben dir und trotzdem so weit
Dann foit no wos um Doch is ma versichert
& kana kummt drauf Gegen jedes Malheur
Die Tür foit ins Schloss Doch jetzt um die Zeit
Und geht nimma auf Kummt ka Schlüsseldienst mehr
Die schönen Wos die schönen Wie
Die schönen Wer die schen Wohin
Die schön- die kennt ma nimmamehr
Vielleicht muaß so sein doch is des fair
Ned zum Glaubn
Wie kann des sein dass ma si so lang kennt
Und doch ned versteht
Dass ma si so lang kennt und ned waaß
Wovon der andre redt
Und manchmal da fliegen die Fetzen
& kana wü des wirklich haben
Kana wü dass so weit kummt
Es is afoch ned zum glauben
I kann des ned versteh
Des wü ned in mei Hirn
Von uns zwa wü doch kana
Den andren verliern
A Wort haaßt fia jedn was andres
Und meistens sogar des Gegenteil
Mi frisst des auf
I kann des ned vasteh
Und manchmal da fliegen die Fetzen
& kana wü des wirklich haben
Kana wü dass so weit kummt
Es is afoch ned zum glauben
Komm ziag di aus
Komm ziag di aus
Stell di bitte ned so an
Es gibt nix wos i ned scho gsehn
Also bitte komm jetzt ins Bett
Geh ziag di aus
Leg di do her
Na wenns geht a bissl näher
Du kannst ned sogn du mogst des ned
Weil des heut kana mehr vasteht
Leg di do her
Und morgn da wachst du auf
Und i bin scho furt
I bin scho weg
I muaß weida auf mein Weg
Aber jetzt
Leg di do her
Na wenns geht a bissl näher
Du kannst ned sogn du mogst des ned
Weil des heut kana mehr vasteht
Leg di do her
Komm ziag di aus
Stell di bitte ned so an
Es gibt nix wos i ned scho gsehn
Also bitte komm jetzt ins Bett
Geh ziag di aus
Last Call
Es geht star auf hoiba drei
Doch du hast heut nix dabei
Du woast ned eigstöt auf so a Nocht
Host ned glaubt dass so spät wird
Scho wieder host di girrt
Wieder amoi ned spontan
Wieder amoi stark daneben
Wieder amoi vorbei an dein Leben
Hast eingschenkt und nie drauf gschaut
Dass a andre virehaut
Fia di warst nur du die Nummer ans
Doch jetzt stehst a du moi an
Bist nimma wirklich dran
Du hinkst hint nach und glaubst du stehst vurn
Wieder amoi stark daneben
Wieder amoi vorbei an dein Leben
Und i waaß es a ned recht
Wos mocht des Guade guad und des Schlechte schlecht
Es geht star auf hoiba drei
Doch du hast heut nix dabei
Du woast ned eigstöt auf so a Nocht
A Kaffee und es is aus
Wenn dei Herz zerbricht
Und die Nerven liegen blank
Du waaßt ned wos do gschicht
Stehst wieder mal am Anfang
Waaßt ned ein noch aus
Und du schwörst du bleibst allaa
Doch irgendwann kommst da raus
Weil auf einmal is wieder wer da
Du schaust di um und du triffst auf amoi wen
Du triffst so vü auf amoi kannst du wieder leben
Du waaßt wies schmeckt und zur Zeit schmeckst richtig guat
Ma konsumiert weil wann hat ma wirklich gnuag
Wer schlaft scho gern allaa ein
Wer wacht allaa gern auf
In der Fruah wüst as dann nimma sehn
A Kaffee und es is aus
Du ziagst dir eine wos am Markt verfügbar is
Wunderst di söba dass dir des auf amoi liegt
Du teilst jetzt aus weil du waaßt ollas kummt zruck
Und du trinkst aus a jedes Glasl bis zum letzten Schluck
Wer schlaft scho gern allaa ein
Wer wacht allaa gern auf
In der Fruah wüst as dann nimma sehn
A Kaffee und es is aus
Es gibt nu gnua
Grad war nur Gluat & vü Aschn
Du warst so sicher die Flammen haben di fia immer verlassen
Doch kaum foaht der Wind ganz ohne Warnung
Eine in di mit lodernden Flammen machst du a ganz a neue Erfahrung
& du denkst zruck und verstehst des ned
Dass so schnö wieder viregeht
Schaust noch vua es gibt no gnua
Es gibt no so vieles gnua fia di
Wos du ois no tuan wüst wo bringts di heut no hi
Du gspiast endlich wieder es lodert in dir
Fast host es vergessen des Jtzt und des Hier
Aber jetzt stehst endlich auf
Stehst wieder grad nix hoit di auf
Und schaust nach vua es gibt no gnua
Vielleicht kannst jetzt haben a wennst lieber _____________
Doch zoit si des aus wennst nur no daran denkst
Dei Konzentration auf so vü Bessres
Mocht heut vü mehr Sinn ois auf wos Schlechtres
Und jetzt schlofst a durch
Nix weckt di mehr auf
& du kommts von unten hinauf
Wichtig fia di
Kannst di je erinnern dass ane so wichtig war
Dass ane so wichtig war
So wichtig fia di
So wichtig fia di und jetzt
Was is jetzt wichtig fia di
Was is jetzt wichtig
Wichtig fia di
Wos is jetzt wichtig
Allaa wichtig fia di
Wichtig fia di bist du
Wichtig fia di
Wos tuat ma laad
Es is scho furchtbar spät
Vü zspät no wos zum Sagn
Es war vü zvü heut Nocht
Vü zvü fia mi
So spät kanns ja gar ned sein
Wie kanns jetzt nur so spät sei
An was soll i mi erinnern
Vielleicht an di
Wos tuat ma laad
Vielleicht dass i dasitz
Wo sitz i sonst
Sitz i sonst daham
Mir is eh egal
Mir foit heut nix mehr ei
Und olle glauben i hab immer Ideen
Aber heute will i nur
A bissl leben
Wos tuat ma laad
Vielleicht dass i dasitz
Wo sitz i sonst
Sitz i sonst daham
An scheen Dank
Scheen Dank an mi söba
Reiß di zsamm
Jetzt reiss di zsamm und lass dir was eifalln
Reiss di zsamm und stell di ned so an
Reiss di zsamm und lass dir wos eifalln
Reiss di zsamm dann kummst a dran
Du kannst ned immer hinten stehn
Du muasst a amoi viregehn
Drum reiss di zsamm und lass dir was eifalln
Reiss di zsamm und stell di ned so an
Reiss di zsamm und lass dir wos eifalln
Reiss di zsamm dann kummst a dran
Du derfst di ned immer auf andre verlassen
Sonst stehst vielleicht amoi allaa auf der Gossn
Drum reiss di zsamm und lass dir was eifalln
Reiss di zsamm und stell di ned so an
Reiss di zsamm und lass dir wos eifalln
Reiss di zsamm dann kummst a dran
Und wenn die Wolken ziagn
Und wenn der Regen fallt
Dann muasst no schneller werdn
Dann derfs nix geben das di aufhoit
Ganz weit oben
Dass i di so schnö wieder siech
Hätt i mir a ned dacht aber wies halt so is
Allzu oft kommt unverhofft
Und meistens so vü dass di wirklich schafft
Dann hast ka Zeit zum klar überlegen
Dann muasst reagiern a Antwort gebn
Dann muasst wer sein und a wos sogn
Am besten no bevors di wos fragen
Dann stellst di hin und stellst di auf
Stehst ganz oben deswegen kommst nie drauf
Weil du siehst von durt nur mehr ganz schwach
Und die Luft is so dünn nur schwer bleibst du wach
Du wüst ned geh wüst nur sitzen ned amoi steh
Is ma amoi do oben hoit ma si fest
Du kennst nur di söba wer braucht scho den Rest
Nix hoit di auf wer sollt so was tuan
Es gibt kann über dir du hast no niemals verlorn
Drum find is gfährlich a fia di solltest du falln
Du kannst mir glauben es gibt so viele die di ned wolln
Die die di ned wolln wolln di ned amoi sehn
Mir gehst am Arsch vorbei kannst mi verstehn
Wenn ned is des wurscht mir is des egal
Nur pass besser guat auf fia di wär a Fehler fatal
Weitaus weniger
Weitaus weniger hät i nie erwartet
Weitaus weniger als vü mehr
Vü mehr gsehn hät i a ned wenn i mehr gschaut hät
Vü mehr gsehn ned vü mehr
Hät i afoch nur meine Augen aufgmacht
Hät i afoch nur ned so vü gwoat
Auf wos woat ma wenn ma ka Zeit hot
Auf wos woat ma Tag fia Tag
Ollas gsehn wos ma nur sehn kann
Ollas gspiat bis zum End
Wos soll ma soll ma no suachn
Wos soll ma finden wenn ma ollas kennt
Hät i afoch nur meine Augen aufgmacht
Hät i afoch nur ned so vü gwoat
Auf wos woat ma wenn ma ka Zeit hot
Auf wos woat ma Tag fia Tag
Sogn macht vü mehr als Reden
Reden is wos a jad tuat
Hean muaß ma ned immer besser
Früher hät i mir des nie denkt
Hät i afoch nur meine Augen aufgmacht
Hät i afoch nur ned so vü gwoat
Auf wos woat ma wenn ma ka Zeit hot
Auf wos woat ma Tag fia Tag
Wieder da
Es geht die Tia auf obwohl du waaßt ned wer draußt steht
Doch wos kann ma scho wissen
Wo is der Sinn wenn ma si nur vasteckt
Zerst host es no läuten lassen hast di ned bewegt
Du warst scho so festgfahrn doch jetzt hast di wieder söba entdeckt
Jetzt geht des Liacht an es war scho vü zlang vü zu still
Es war scho zu lang finster
Wos macht ma wenn ma ned waaß wos ma wü
Doch dir is langsam aufgfoin schaden kannst dir nur söba
Warst so lang woanders hast nimma gwusst wos fia di schee woa
Warst so lang allaa allaa mit dir söba
Allaa mit dir söba und nimma per du
Und dann bist du aufgwocht und hast di anzogn
Und woast auf amoi wieder do
Jetzt kannst wieder rennen & du siehst auf amoi klar
Wie war so was möglich
Dass du hinschaust doch fia di war ois ned wahr
Und jetzt kannst es glauben obwohl es tuat no immer weh
Doch gspiast es jetzt anders und findst es a a bissl schee
Warst so lang allaa allaa mit dir söba
Allaa mit dir söba und nimma per du
Und dann bist du aufgwocht und hast di anzogn
Und woast auf amoi wieder do
Der Umzug
Es war scho Abend und i kumm ham
Es war scho finster und du stehst do allaa
Mittendrin in an Haufen Schachteln
A bissl verlorn doch ned zu verachten
I sperr die Tia auf und ziag mi aus
Normalerweise fällt des Liacht von meiner Kuchl raus
Aufn Gang doch heut is des ned so
Es brennt des Ganglicht und mi macht des froh
I suach an Grund dass i aussekann
Du zahst die Schachteln und i schau di an
I trag den Mist und des Altpapier getrennt
Da kann i 2x gehen weil ma si dann näher kennt
Du bist do eizogn und du wohnst allaa
Fast ka Besuch wos moch ma jetzt wir zwa
Tät scho wos wissen wos hoitstn davon
Wennst wüst kummst hoit oba oder i nach obn
Heut fluacht er wieder
Heut fluacht er wieder mei Wirt
Hat immer a freundliches Gsicht
Aber wenn ma amoi ned hinschaut
Is eh besser dass man ned sieht
In der Eckn da sitzens wieder
Beim täglichen Ehestreit
Des machens seit 20 Joa
Und heut is wieder moi so weit
Da sans wieder gstöt
Sie kummt kurz vor Acht
Er kummt scho eigspritzt a bissl später
Versöhnung dann spät in der Nocht
Heut fluacht er wieder mei Wirt
Weil sei Oide grad von hinten vireschreit
I waaß a ned wos sie wü
A Essen is fertig nur er mant er hät no Zeit
Und wenn Sperrstund is
Dann redt er von der Pension
Dass er 20 Joa nimma dablost
Weil er is scho lang am Boden
Heut fluacht er wieder mei Wirt
Aber morgen da is er wieder gstöt
Dann is dann ollas pico bello
Um zehne in meiner klanen Wöd
Der Sturm
Heut geht a Sturm
Und du bleibst lieber daham
Waaßt genau wos die hinbringt
Der Sturm biagt die Bam
Nur du losst di ned biagn
Zumindest büdst dir des ein
Der Sturm wird di ned kriagn
Niemals wird des so sein
Gegenwind kummt immer nur vo vurn
Manchesmal so stark ois wie a Sturm
Du warst immer ganz anders
Zumindest wolltest es sein
Du warst so anders als alle andren
Aber was is da scho dabei
Es is a jeda so anders
So anders wie er’s söba wü
Alles gleich nur ja nix doppelt
Bevorst wos sogst bleibst lieber still
Gegenwind kummt immer nur vo vurn
Manchesmal so stark ois wie a Sturm
Davon
Hinter dir foit die Tia ins Schloss
Du hast ka Zeit du muasst los
Es is no heut doch du denkst scho an morgen
Suachst di söba hast di irgendwo verlorn
Dir foit die Deckn aufn Kopf
Du wüst ned warten bis wer klopft
In deine Knochn steckt no der Schreck
Du waaßt es söba ned wovor rennst du weg
Du hast am liebsten immer schnö vergessen
Wenn amoi ned host es einegfressn
Und mittlerweile stehts dir scho bis obn
Am besten hast di immer no selbst belogn
Und heute bist scho wieder unterwegs
Mit 180 und bis frühestens 6
Du fühst di langsam wie der letzte Dreck
Und waaßt es söba ned wovor rennst du weg
Du hast immer gern in Spiegel gschaut
Weil di des immer so weit virehaut
Doch mach die Augen auf beim nächsten Mal
Und schau di an und nimm di söba fia voll
Heut foit dir nix mehr ei wosd dir dazöhst
Weilst di jetzt endlich mit dir owequöst
Deine Schmäh die host dir söba ned glaubt
Nur wegn die andren hast dir so vü verhaut
Und so oft hast du di vor dir versteckt
Hast di immer wieder söbst entdeckt
Warst so weit vurn und trotzdem hint
Weil di dort fast kana findt
Bis zum GehtNichtMehr
Die Wöd is a Wahnsinn und oftmals zum Speibn
Manchmal nennt mans Leben manchmal lossat mas bleibn
Nur i bin scho da und i hab ka Chance
Und des nutz i bis zum GehtNichtMehr aus
Hast du dir je wos gwunschen
Und hast es jemals kriagt
Hast du an dWahrheit glaubt
Bis gmerkt hast dass a jeda liagt
Hast du di fragen traut
Und auf a Antwort ghofft
Und wann hast ane kriagt
I trau ma wettn ned so oft
Weil die Wöd is a Wahnsinn und oftmals zum Speibn
Manchmal nennt mans Leben manchmal lossat mas bleibn
Nur i bin scho da und i hab ka Chance
Und des nutz i bis zum GehtNichtMehr aus
Du wolltest a wer sei
Ned immer nur zweite Reih
Jetzt merkst du gehst ei
Und warst doch nie dabei
Es is doch ollas möglich
Sie sagn a jeda hat a Chance
Doch sicherlich ned die gleiche
Fia viele is vorm Start scho aus
Fast immer steht ma wo danebn
Nie wü dir wer an Sitzplatz gebn
My girl Lues
Found me a girlfriend long time ago
Where I did find her I really don´t know
Since then she´s by my side
She´s my girl yeah she´s my pride
There won´t be a day without her
Ain´t nothing to say about her
About my girl Lues
My girl Lues
It did work from the very first day
I realized that there´s no other wayOnly to stay to believe in her
Just to trust in this affair de coeur
My girl Lues
She won´t never ever set me free
Until my end she´ll stay with me
She ain´t jealous but she´s true
That´s what I feel with every single I love you
From my girl Lues
My girl Lues
100 Watt
Waaßt ganz genau wos du wüst
Waaßt genau wos di hinbringt
Bist dir so sicher waaßt es immer scho
Was wer andrer sagt hat no nie gstimmt
Und jetzt stehst du an jetzt geht nix mehr weida
Dabei warst du immer als die andren vü gscheiter
A blaues Aug hat no niemand gschadt
Amoi auf die Pappn foin macht di erst hart
Es is an der Zeit dassd di söba moi kennst
Ned immer nur am schnellsten vor dir söba weg rennst
Weil jetzt stehst du an jetzt geht nix mehr weida
Dabei warst du immer als die andren vü gscheiter
Vielleicht geht dir jetzt a Liacht auf
Vielleicht ans mit 100 Watt
Von söba kommst auf so was nie drauf
Erst wenn’s di wo oweprackt
Man kann zwar scho stundenlang redn
Aber wenn dir kana zuahört redst vorbei an dein leben
Wos bringts dir söba wennst die andren vastehst
Aber mit dir söba ned amoi zwa Meter weit gehst
Und jetzt stehst du an jetzt geht nix mehr weida
Dabei warst du immer als die andren vü gscheiter
Other man´s row
Sun is shining through painted glass
Tombstone´s grey looking for the past
Never say nothing you can´t go wrong
Just get up you´ve been here for too long
Don´t take mummy´s kitchen knife
Just to prolog your own life
Don´t say nothing don´t say no no no
Just walk out on the other man´s row
You say hi and then get down
Wearing such a useless crown
Keeping pain inside your mind
Closed your eyes till you went blind
Don´t take mummy´s kitchen knife
Just to prolog your own life
Don´t say nothing don´t say no no no
Just walk out on the other man´s row
Put yourself down
Down in the ground
People walk around
Around you
Don´t take mummy´s kitchen knife
Just to prolog your own life
Don´t say nothing don´t say no no no
Just walk out on the other man´s row
Leaving town
Up & down it goes around
Waking up through awful sound
Trying to leave to pack my case
Just a memory of good taste
2nd wife just hanging round
It´s time for me to leave this town
Say a word bot don´t say no
It´s time to leave it´s time to go
Just through dust just through you
It won´t matter what I´ll do
Cut your lifeline take my knife
Just to save my own life
It´s time to leave no time to waste
In my mind this memory of good taste
Say a word but don´t say no
It´s time to leave it´s time to go
No matter what you´re thinking of
It comes harder it´s getting rough
It´s too much weight to carry on
Time was over now I´m gone
I pack my case with broken hands
I never knew what that meant
Don´t say a word don´t say no
It´s time to leave it´s time to go
Seitdem
Seitdem du di festhoitst
Seitdem du do bist
Seitdemst ned nur do sitzt
Seitdemst mi so anschaust
Seitdem i di gspia
Seitdem du so nah bist
Seitdem du mi wüst
Seitdem du mir nah bist
Da waaß i nix kann passiern
Und nix kann mehr gschehn
Und nix macht mir Angst
Und i kann wieder leben
Zerst hab i no Angst ghabt
I habs ned glauben können
Dass du mi wirklich nimmst
Und dann hab is gspiat
Du hast mirs zeigt
Dass du mi wirklich wüst
Zspät
Wos ma ollas so foisch macht
Waaß ma erst wenn’s passiert is
Wos ma ollas ned richtig macht
Waaß ma erst wenn ma verwirrt is
Und dann is zspät
Vü zu spät
Wie kumm i eher auf so was drauf
Wenn mi niemand auf so was stesst
Loss ollas sein Lauf
Moch erst was wenn’s geht
Nur dann is zspät
Vü zu spät
Wos ma ollas ned gsagt hat
Wia mas sogn hät solln
Wos ma ollas ned gfragt hat
Wie ma ned nur still hät sein solln
Nur jetzt is zspät
Vü zu spät
Geht’s dir wie mir
Wenn du heut nimma waaßt
Wo du gestern warst
Und morgen ned kneißt
Wos heute war
Geht’s dir wie mir
Geht’s dir wie mir
Wenn du zitterst beim Aufstehn
Dir erst an Tschik anrauchst
Dir a Bier einschenkst
Weilst es wirklich brauchst
Geht’s dir wie mir
Geht’s dir wie mir
Dann könn ma uns treffen weil dann könn ma redn
Dann wirst mi vasteh weil i red ned mit an jedn
Wennst an Hunger hast aber nix essen kannst
Und dir doch wos kochst weilst es gerne machst
Geht’s dir wie mir
Geht’s dir wie mir
I trink
I trink
Des waaß i eh
I trink
Und I find des schee
I trink
Und du tuast des a
I trink
Manchmal allaa
Und du sogst ma sovü trinken is ned gsund du dazöhst ma dass ma mit der
Zeit aufs viele Trinken hin wird, die Organe, vor allem die Leber und
mit der Zeit wirst a deppat werden, kannst di an vieles nimma erinnern,
an des was war, aber, naja, is des wirklich schlecht ? Weil
I trink
Des waaß i eh
I trink
Und I find des schee
I trink
Und du tuast des a
I trink
Manchmal allaa
Du sagst mir du trinkst nur wengan vergessen und i kann dir sagen, des
waaß i eh, ja sag i, und du sagst mir dass des wos nicht verarbeitetes
is, irgendwas des scho lang her is, wos i scho gar nimma waaß, aber waaß
is ned weil is nie gwusst hab oder weil i zuvü trink, du sagst dass des
tief drin in mir steckt und i sollt daran arbeiten weil des muss ausse,
aber
I trink
I denk immer nur an di
I denk immer nur an di
Tag & Nacht denk i an di
Nur waaß i ned wo bringts mi hi
Denkst a manchesmal an mi
Mei Telefon is immer an
Vielleicht ruafst mi heut no an
Vielleicht redst heut no mit mir
Vielleicht meldst di no bei mir
Möglich is dass i mi irr
Ned klar siech nur wegen dir
Doch was is und i hab recht
Was i gspia is furchtbar echt
Mei Telefon is immer an
Vielleicht ruafst mi heut no an
Vielleicht redst heut no mit mir
Vielleicht meldst di no bei mir
Weil i denk immer nur an di
Frissts mi auf und machts mi hi
I kanns dir no ned sagn
Denk scho wieder nur an di
Mei Telefon is immer an
Vielleicht ruafst mi heut no an
Vielleicht redst heut no mit mir
Vielleicht meldst di no bei mir
Gib mi auf
Mei Herz is wia a Vasn
Unendlich oft pickt
Mei Sö is wia a Briaf
Den ma schreibt aber nie vaschickt
Schick mi weg
Und gib mi auf
Trag mi zur Post
Pick a Markn drauf
I vü mi wia die Pfanzn
Die in mein Wohnzimmer steht
Die kana giaßt
Und trotzdem wüs leben
Gib ma a Wossa
Giaß mi amoi
A poa Tropfen
Aber ned zu voll
I bin wia a Fisch
Dens aufs Trockene haut
A Füm spät aufd Nocht
Den kana mehr schaut
Schmeiss mi zruck
In die Meer
Bleib no wach
Und schau her
Am seidenen Faden
Mei ganzes Leben fangt si an nur mehr im Kopf abzuspün
Es passiert gar nix mehr i valier scho mein Willn
I valier mei Kraft es gibt so vü wos i wü
Nix mehr was i kann und sovü wos i fühl
Irgendwas is zerbrochen in mir drin is was gsturbn
I hab auf so vieles scho die Lust valurn
Ja vorher da hab i fast alles glebt
Jetzt kann i mirs denken weil gar nix mehr geht
Mei Antrieb is furt mei Grund is weg
Nur der ane is do aus dem i mi vasteck
Aus dem i mi verkreu aus dem i nur mehr red
Weswegen i nix tua is es wirklich scho so spät
I steh nimma auf und i geh nirgends hin
Obwohl wolln tät i scho nur machts fia mi kann Sinn
Es bleibt si total gleich wie die Zeit vageht
Ob mas im Bett verbringt oda ob ma aufsteht
Obst zum Frühstück wieder mal an Gspritzten trinkst
Obst deine Lieder nur mehr beim Aufnehmen singst
Obs dir wichtig is was wer andrer so denkt
Weil dei Lebenswille am seidnen Faden hängt
Mei Antrieb is furt mei Grund is weg
Nur der ane is do aus dem i mi vasteck
Aus dem i mi verkreu aus dem i nur mehr red
Weswegen i nix tua is es wirklich scho so spät
I hab mir so oft gschworn so weit kummst nimma owe
Reiss di endlich jetzt zsamm und vergiss solche Tage
Doch es geht leider ned und funktioniert ned a so
Und vielleicht wärs wirklich besser i reiss fia immer o
Es is zum Scheissen und Speibn und Hinwerdn zugleich
Warum i immer wieder den söbn Punkt erreich
Warums immer wieder aufs söbe hinrennt
Und ma trotzdem nix gspiat wenn ma si wieder verbrennt
Mei Antrieb is furt mei Grund is weg
Nur der ane is do aus dem i mi vasteck
Aus dem i mi verkreu aus dem i nur mehr red
Weswegen i nix tua is es wirklich scho so spät
Wichtig
Hoit mi und lass mi nimma aus
Geh aus dir heraus und bleib
Bleib do weil später is dann zspät
Nur später wird’s heut ned fia uns
Du du gehst ned aus mein Kopf
Weil i des gar ned will
Bleib bei mir im Hirn & lass mi valiern
I lass mi gern verwirrn von dir
I kann gar ned sagn was du gmacht hast
Wos du gmacht hast mit mir
Schau mir in die Augen damit i mi
In deine Augen drin valier
Sog ma sog ma wos soll i tuan
I hab mi valurn in dir
Wichtig es is furchtbar wichtig
Glaub ma es is richtig mit dir
Ned afoch
I häng an deine Lippen
An dein Hals
An deine Hüften
I brauch afoch ois
I häng an deine Wangen
Wenn du zu mir wos sogst
Wenn du zu mir herschaust
Waaß i genau wos du magst
Du kannst no so bled schaun
Du wirst ma immer gfoin
Doch fia di wird’s ned leicht werdn
Du muasst mi aushoitn
Es wird ned afoch fia di
Es wird ned afoch fia mi
Doch wennst biag mas scho hin
Weil i glaub wir kriagn des hin
Alle Texte von Johannes Girmindl, alle Rechte
vorbehalten. c 2005-2006 keine unerlaubte Vervielfältigung.